Lífið er yndislegt...

... Ég er það sem ég vil. Semsagt hamingjusöm og líður vel. Gengur vel í vinnunni og í lífinu bara almennt:) Stelpunum gengur svo rosalega vel í skólanum og leikskólanum að ég get ekki annað en verið bara alveg rosalega ánægð. Vorið að koma og mikið er það yndislegt, ég hlakka svo til að fara í útilegur í sumar með stelpurnar. Það verður svo gaman. Það er bara eitt sem skyggir á gleðina mína og það er sú staðreynd að Íris mín og fjölskylda eru að flytja til Danmerkur og Hrundin mín líka. En ég samgleðst þeim líka þessum elskum mínum þó ég muni sakna þeirra alveg hræðilega. Þá hef ég ástæðu til að kíkja í heimsókn og fá jarðaber hjá þeim og kíkja í H&M. Ekki leiðinlegt;) "Always look on the bright side of life"

Já lífið er yndislegt og góð gjöf sem um er að gera að nota og njóta þess. Mér hefur ekki alltaf liðið svona, hef glímt við ömurlegt þunglyndi sem oft hefur dregið mig ofan í djúpar ógeðslegar holur. En alltaf hef ég verið dregin þaðan uppúr af fjölskyldum og góðum vinum. Sem ég er einmitt svo þakklát Guði fyrir. Það er nefnilega ekki sjálfsagt að eiga svona góða að sem hjálpa til.

En núna er ég á Selfossi eins og eiginlega alltaf þegar ég blogga. Var í Idolpartýi í gær hjá henni Theu sætu með Hrund minni og Elvu. Alltaf gaman að hitta þær gellur. Stefnan er svo tekin á bæinn á eftir að heimsækja Eygló systur, hún ætlar að hjálpa mér að byrja á ermunum á lopapeysunni sem ég er byrjuð að prjóna. En þið sem ennþá kíkið hérna inn, eigið góðan dag og Guð geymi ykkur og munið að lífið er gjöf sem við eigum að njóta;) Elsk, elsk, Arna

Fyrir 5 árum...

...... þá var ég stödd á fæðingardeildinni á Fjórðungssjúkrahúsinu á Akureyri og var að bíða eftir mínu öðru barni. Með hríðar og orðin vel kennd af gleðigasinu góða. Man að ég hringdi í mömmu til að láta vita hvernig gekk og hún fór að hlæja því ég hljómaði eins og ég væri drukkin sem ég var auðvitað ekki. Bara fyndið sko. En hún Sara Ísold kom svo nóttina eftir eða 15.febrúar 2004 og er þessvegna 5 ára á morgun, pæjan mín. Afmælisveislan hennar var haldin í dag, á Selfossi, hjá pabba og mömmu og var fámennt en mjög góðmennt:) Hún fékk margt fallegt í afmælisgjöf og skvísan er himinlifandi með daginn. Én jæja, njótið lífsins kæru lesendur, ef einhver kemur hérna inn ennþá;) Knús og koss, Arna

Jólin eru komin..

...einu sinni enn. Voðalega á ég bágt með að trúa þessum orðum mínum. En þau eru víst staðreynd. Ég sit hérna í efri stofunni hjá pabba og mömmu og stelpurnar horfa á jólabarnatímann og ég blogga á meðan. Mér finnst svolítið fyndið að hugsa til þess hvað er stutt síðan ég var í þeirra sporum. Að bíða og bíða eftir að tíminn líði. Þær fengu bækur í skóinn og Sara Ísold var alveg heilluð af hæfileikum sveinka sem hafði skrifað jólamiða til þeirra með pakkanum. Ég fékk líka bók í skóinn, það er bókin, "Sá einhverfi og við hin" og ég er mjög spennt að byrja að lesa hana. Ég er núna að klára að lesa bókina um einhverfu og hún er mjög áhugaverð og svarar mörgum af mínum spurningum sem ég hef haft. Mér hefur reyndar reynst það erfið lesning því ég er einhvern veginn að átta mig á að Danía Rut verður alltaf einhverf, ein sein að fatta;) En já, jólin alveg að koma, það er alveg rosalega jólalegt hérna hjá pabba og mömmu og hérna líður okkur svakalega vel. Þau eru svo höfðingleg að hafa boðið okkur að vera hjá sér um jólin síðan leiðir okkar Davíðs skildu.

Þegar ég lít til baka yfir árið, þá er ég svo þakklát ofar öllu fyrir fjölskylduna mína, þá er ég að meina þá alveg nánustu, þau eru alveg dásamleg og hafa staðið með mér í gegnum súrt og sætt og verið tilbúin með faðminn og öxl og uppörvunarorð þegar lífið var erfitt. Ekki allir svona blessaðir. Svo eru þau auðvitað ótrúlega fyndin og skemmtileg og alltaf gaman að vera með þeim. En ég ætla ekki að hafa þetta lengra, ég ætla að fara að kúra með stelpunum mínum í sófanum og horfa með þeim á jólabarnatímann, svo er það jólabaðið þeirra á eftir. Njótið jólanna og ekki spara að knúsa fólk, það er svo notalegt svona á jólunum. Guð geymi ykkur öll sem lesið:) Kær hátíðarkveðja, Arna, Danía Rut, Sara Ísold og Þórey Erla:):):)

Lífið...

...er FRÁBÆRT:) Ég er nýbúin að eignast yndislega fallega frænku og hún heitir Erla Rakel. Eygló og Bjössi eru alveg í skýjunum með hana og það er sko ekki skrýtið enda skvísan "made in heaven" Ég er alveg hrikalega hamingjusöm eitthvað. Guð er svo góður við mig og ég elska hann svooo mikið. Stelpunum mínum gengur vel í skólanum og leikskólanum og mér finnst lífið leika við mig. Ég er farin að vera í barnastarfinu í Mozaik annan hvern sunnudag og það er mjög gefandi. Og í leiðinni eru stelpurnar farnar að fara líka í barnastarf í Mozaik. FRÁBÆRT:) Æ mig langaði bara aðeins að blogga og tjá ykkur hamingju mína. Á þessum krepputímum þá hef ég það svo gott. Ég á notalegt heimili þó það sé í "sardínudósastærð" hehehe, kannski ekki alveg. En líf mitt er svo uppfullt af Guðs blessunum að það hálfa væri gomma. Ég ætla ekki að hafa þetta lengra. Ég bið ykkur öllum Guðs blessunar og munið að hann skapaði ykkur og elskar ykkur eins og þið eruð. Knús og elsk. Arnan

Afmæli:)

Í gær varð hún Danía Rut mín 6 ára. Alveg með ólíkindum hvað tíminn flýgur á undan manni. Mér finnst alveg ótrúlegt að ég eigi barn sem er að fara að byrja í skóla. En mikið hlakka ég samt til að fara að kaupa allt skóladótið með henni og upplifa spenninginn með henni. Hún Danía Rut er svo mikið yndigull og ég er svo yfirmáta stolt af henni. Stundum finnst mér eins og hjartað mitt sé við það að springa, ég elska hana svo mikið. Og auðvitað systur hennar líka:)

Ég sit hérna heima hjá pabba og mömmu og ég var að enda við að klára að taka saman með frábærri hjálp frá mömmu. Ég er svo heppin að fá að halda afmæli stelpnanna minna hérna í Húsinu við ána þar til ég flyt í stærra húsnæði. Það er blessun:) Ekki eru allir eins blessaðir og ég með foreldra sem hjálpa svona vel til:) En jæja ég ætlaði ekki að hafa þetta blogg langt. Langaði bara aðeins að skrifa hérna inn í tilefni af afmælinu:) Guð geymi og blessi margfalt alla sem lesa. Ef einhverjir eru;) Arna, stooolta mamman:)

KRÚTT....

Verð að segja ykkur frá svo krúttlegu sem ég varð vitni að um daginn:) Hún Sara Ísold mín sagði við mig eitt kvöldið, "mamma ég ætla að biðja núna" og ég leyfði henni það auðvitað. Hún labbaði að rúminu hennar Þóreyjar Erlu og segir svo "Söður heilags anda amen" og í leiðinni bandar hún höndunum yfir ÞE. Sama gerði hún við Daníu Rut, prílaði upp í til hennar og svo gerði hún þetta líka við sjálfa sig þegar hún var lögst. Það sem mín skvísa var að gera var að signa sig og systur sínar. Pabbi þeirra gerir þetta alltaf áður en þær fara að sofa og segir þá "í nafni Guðs föður, sonar og heilags anda" En mér finnst útgáfan hennar Söru Ísoldar miklu flottari. Þetta allavega bræddi mig alveg, fór næstum að skæla yfir því hvað ég á æðislegar dætur;)

Jæja ég er hérna á Selfossi hjá pabba og mömmu eina ferðina enn:) Var á UNG samkomu áðan og vá hvað hún var góð. Langt síðan ég fór síðast. Verð að fara að fara oftar. Jæja svefninn bíður og draumalandið:) Gangið með Guði, það er best. Hrúga af ást, Arna

Móðursystir:):)

Ég er að fara að verða móðursystir í 4. skipti:):) Í september ætla nefnilega Eygló mín og Bjössi að eignast sitt fyrsta barn. Mikið hlakka ég til að sjá hana Eygló blómstra og fá kúlu og svo verður auðvitað æðislegt þegar krílið fæðist. Þetta er bara alveg æðislegt og frábærar fréttir sem ég er reyndar lööngu búin að frétta af:):) En mig langaði nú bara að óska þeim til hamingju hérna á veraldarvefnum:) Ég er núna stödd hjá pabba og mömmu, enn og aftur, ég veit ég er oft hérna. Það er bara svo notalegt og minna einmanalegt þegar stelpurnar eru hjá pabba sínum. Ég hef það notalegt að vanda. Var að horfa á eina og hálfa mynd með Hrund og Theu. Önnur heitir "Bug" og ég mæli sko ekki með henni. Hef aldrei horft jafn leiðinlega mynd og tilgangslausa og skrýtna. Hin heitir "Bridge to Terabithia" og hún er voða krúttleg, svona ævintýramynd, við ætlum að klára hana á morgun. En jæja, mínir ástkæru lesendur, eða sko þið 2 sem kíkið hingað, ég óska ykkur gleðilegra páska og njótið samveru við fjölskyldu og vini:) Love, love, love, Arnan

Penni og gat og fata sem lak...

Fata sem lak og penni og gat:) Ég hef ekki verið í miklu bloggstuði undanfarnar vikur á þessu ári. Ástæðan er mjög einföld, mér finnst ég yfirleitt ekki hafa frá neinu sérstöku að segja svo þá er betra að þegja. Er það ekki annars? En ég var á alveg mögnuðu móti síðustu helgi í Kirkjulækjarkoti. Ég fæ alltaf nostalgíukast að keyra upp í Kot því afi og amma áttu auðvitað heima þarna og ég kom svo oft þangað sem barn og svo líka sem unglingur á mót. Svo það rifjast alltaf upp fyrir mér skemmtilegar minningar að koma í Kotið.

Ég var að rifja það upp ásamt systrum mínum og pabba og mömmu um daginn að þegar við vorum litlar og heimsóttum afa og ömmu þá gistum við alltaf í kjallaranum. Og þar var hauskúpa sem við systurnar vorum allar svo hræddar við en engin okkar sagði pabba eða mömmu frá því. Þau voru bara að frétta þetta núna um daginn. En þessi hræðilega hauskúpa var bara úr plasti svo óttinn var ásæðulaus en kannski skiljanlegur hjá svona krílum eins og við vorum. Æ það er svo gaman að rifja upp gamlar minningar og ylja sér við þær. Hvað lífið var nú notalegt og áhyggjulaust þegar maður var barn.

Ég átti afmæli síðustu helgi og þegar ég kom heim til pabba og mömmu af mótinu sem ég nefndi áðan þá var það fyrsta sem Danía Rut sagði við mig, "mamma þú afmæli í dag" og svo bætti hún við stuttu seinna, "ég sakkaði þín" og jiminn það runnu bara tár. Þær eru svo miklir gleðigjafar í lífi mínu þessar elskur. En þær voru semsagt í pössun hjá pabba og mömmu meðan ég var á mótinu.

Annað gullkorn sem ég verð að deila með ykkur, en það kom frá henni Þóreyju Erlu minni. Ég var með brokkolísúpu í matinn um daginn og hún er að borða og tekur allt í einu brokkolí út úr sér og kíkir á það og segir svo, "blóm, ég ðið ekki" Ekkert smá sætt:)

Svo var það Sara Ísold sem var að klaga Þóreyju Erlu fyrir að lemja Daníu Rut, hún kom til mín og sagði mér sko allt sem gerðist, fór svo aftur til systra sinna og sagði við DR, "Gráttu meira" mér fannst það alveg ofsalega fyndið. Eins og ég myndi bara hugga Dr ef hún gréti meira. Hehe.

En svona er lífið yndislegt. Núna er það reyndar aðeins minna æðislegt en það er venjulega því ég er veik, með hita og hor og allt heila klabbið. Þarf að fella niður afmælið mitt vegna veikinda:( Eini ljósi punkturinn í því að vera veik er að ég er veik heima hjá pabba og mömmu á Selfossi og það er miklu notalegra en að vera ein heima. Ég ætlaði að fara á samkomu í Kærleikanum í kvöld með Hrund og Theu en ég kíki bara seinna með þeim skvísum. Þær lofuðu að skemmta sér fyrir mig líka:) Jæja, ég ætla að fara að hætta þessu masi, ég bið ykkur öllum Guðsblessunar. Það er að segja þeim sem enn kíkja hingað inn í von um nýtt blogg. Ást á alla, Arnan

Nýtt ár!!!

Já árið 2008 bara gengið í garð. Ég horfði á gamla árið “hverfa” í sjónvarpinu í gær og það nýja að koma. Mér finnst það alltaf svolítið skrýtin tilfinning þegar eitt ár kveður og annað heilsar.

En árið 2007 var bara ágætisár fyrir mig. Það sem stendur eiginlega uppúr hjá mér er þegar hún Danía Rut mín fékk greiningu í júní. Það var rosalega gott að fá á hreint hvort hún væri einhverf eða hvort það var e-ð annað. Alltaf vont að vera í óvissu svo þetta var mjög gott mál:) Hún stendur sig alveg svakalega vel stóra gullið mitt ég er endalaust stolt af henni. Hún er farin að skrifa nafnið sitt og kann að stafa það og skrifa það á tölvu og kann að skrifa “mamma” og “pabbi” og hún er mikil Guðsgjöf til mín:)

Sara Ísold er algjör snillingur og er algjör knúsukerling og alltaf að segja mér að ég sé vinkona hennar og að hún elski mig allan hringinn. Ekki amalegt að eiga svona ástarjátningavél heima hjá sér. Hún er bara yndisleg og þroskast vel og fylgir jafnöldrum sínum alveg. Hún passar mjög upp á systur sínar og stundum, (einstaka sinnum) þegar ég skil ekki hvað Þórey Erla er að segja þá er hún að túlka það:) Hún er svo mikið æði og ég er svo þakklát Guði fyrir hana.

En hún Þórey Erla litla skottan mín hefur þroskast alveg ótrúlega mikið á árinu. Hún er farin að tala alveg ótrúlega mikið og farin að leika með dúkkur og svæfir þær og gefur þeim að borða og er alveg ekta mamma. Það er ekki óalgeng sjón að sjá hana halda á dúkkustráknum sínum með sæng að sussa svo hann sofni örugglega. Hún er algjört yndigull sem bræðir mann mjög auðveldlega. Guðs blessun út í gegn:)

Eins og þið hafið kannski fattað núna að þá er ég mjög blessuð kona. Ég á 3 alveg hreint fallegustu, yndislegustu, bestu og frábærustu dætur í heiminum. Og Guð gaf mér þær. Ég er líka svo þakklát Guði fyrir fólkið mitt, pabba og mömmu sem eru alltaf til staðar fyrir mig og ég á alltaf knús hjá þeim og öxl þegar ég vil og þarf á að halda. Eygló systir er svo æðislega yndisleg og ég veit ekki hvar ég væri án hennar. Hún er svo óeigingjörn að mér finnst að allir ættu að taka hana til fyrirmyndar. Hún er engillinn minn. Ég á svo góða að. Hrund æðibiti er líka alltaf eitthvað að hjálpa mér og vera vinkona mín. Það er sko ekki sjálfsagt að vera svona góðar vinkonur þó við séum systur;) Love YOU;) Írisi systur hef ég kynnst betur og betur á þessu ári og líka síðasta. Ég var alltaf með svo mikla minnimáttarkennd gagnvart henni en hún er farin. Íris er algjör gullmoli sem mér þykir svooo vænt um.

Vá ef einhver er alveg að fara að gubba af velgju þá er það allt í lagi. Ég veit að þetta er alveg yfirmáta væmið. En það er nú í lagi svona einu sinni á ári:) Er það ekki???? Mig langar að lokum að þakka öllum sem hafa kíkt hingað inn á þessu ári og hafa kíkt til mín í heimsókn. Þið eruð gullmolar. Ég ætla svo að reyna að vera dugleg á þessu ári að styrkja vinabönd og fjölskyldubönd. Ég elska ykkur, Arnan hamingjusama:)

Mér líður vel..

.. Jólin búin að vera alveg æðisleg. Ég er búin að vera hérna hjá pabba og mömmu síðan á þorláksmessu og það er búið að vera frábært. Pabbi og mamma eru svo frábær að ég á varla orð til að lýsa því. Þau eru svona fólk sem mér finnst alltaf gaman að hitta og spjalla við um heima og geima. Allavega, ég er búin að hafa það stórgott ásamt mínum yndisfögru dætrum hérna í Húsinu við ána:) Á annan í jólum fékk ég reyndar gubbupest og þá sá mamma um stelpurnar, kom þeim í háttinn og svona með hjálp frá Hrund og Theu yndigullunum mínum:) Takk stelpur, love you;) Hún Thea er svo að fara heim til sín til Sverige eftir svona hálftíma og ég mun sakna hennar. Hún er svo yndisleg:) En nóg um væmni. Við Hrund skelltum okkur í bíó í gær og fórum auðvitað í Selfossbíó sem er mjöög flott verð ég að segja. Með hjólastólalyftu og alles. Til fyrirmyndar bara. En við fórum á myndina Fred Clause og hún er alveg stórskemmtileg, ég skemmti mér alveg konunglega yfir henni og mig langar að eiga hana þegar hún kemur út á dvd. Alveg frábær mynd fyrir alla fjölskylduna. Vá nú er ég farin að hljóma eins og ég fái prósentur svo ég ætla að hætta að tala um þessa mynd;)

Í dag verður svo jólaboð hérna hjá pabba og mömmu fyrir systkini pabba og afkomendur og maka auðvitað og það eru margir búnir að tilkynna komu sína. Verður pottþétt rosalega gaman. Ég allavega hlakka mikið til. En ég vona að þið sem lesið bloggið mitt séuð búin að njóta jólanna eins og ég, með vinum og fjölskyldu sem þið elskið, það er best:) Guð gefi ykkur svo góð áramót og frábært nýtt ár:):):) Kær hátíðar og bráðum áramótakveðja, Arnan

Aðfangadagur jóla...

.... er einmitt í dag og við syngjum saman lag. Þetta lag hlustaði ég alltaf á sem barn og oft löngu áður en hinn eini sanni aðfangadagur rann upp og rosalega var alltaf langt að bíða. En ekki núna, nú er tíðin önnur. Mér finnst nefnilega svo stutt síðan jólin voru síðast en ætli ég sé ekki bara að verða gömul... Stelpurnar mínar fengu Latabæjarnáttföt í skóinn og voru sko alveg himinlifandi, Þórey Erla sagði, "vá lababæ" algjör dúlla. En jólasveininn sem býr á Selfossi gaf mér bók í skóinn og það er bókin "Postulín" sem fjallar um hana Freyju sem er með genagalla sem veldur því að beinin brotna við minnsta pot. Ég hlakka mikið til að lesa hana.

En ég ætla ekki að hafa þetta langt, ég vildi bara svona aðeins skrifa smá og senda öllum sem ennþá kíkja hingað mínar kærustu jólakveðjur. Þeir sem eru vanir að fá frá mér jólakort fá þau milli jóla og nýárs, var voða sein en þau fóru í póst í gær:) Hafið það rosalega gott um jólin og Guð blessi ykkur nýja árið. Hátíðarkveðja, Arnan

Lífið er svoo gott og ljúft og yndislegt og....

...Frábært. Guð er awesome. Ég fór á mót um daginn, eða um miðjan nóvember. Mótið var haldið í Kotinu, mótið fjallaði um föðurhjarta Guðs og þetta mót einkenndist af því að Guð var að snerta við fólki hægri vinstri og það var alveg yndislegt. Mér fannst líka alveg rosalega áberandi hvað var mikil eining á mótinu. Þetta var samkirkjulegt mót og fólk kom bara sem börn Guðs á þetta mót, ekki hvítasunnumenn eða krossarar eða e-ð annað. Alveg frábært bara.

Ég hef mikið farið á samkomur eftir þetta mót og og reyndar líka fyrir mótið og bara yndislegt að dvelja í nærveru Guðs. Ég fór á samkomu á mánudagskvöldið síðasta og það var alveg æðislegt. Við vorum mætt þarna svona 20 manns í Fíló og sungum fyrst lofgjörðarlög og báðum svo fyrir og með hvert öðru. Frábært hvað Guð er að gera mikla hluti.

En að öðru, jólin eru að koma og ég er farin að hlakka miiiiikið til. Stelpuskvísurnar mínar verða hjá mér og ég hlakka svoooo til. Við verðum hjá pabba og mömmu og ég veit það verður notalegt eins og alltaf hérna á Selfossi. Mamma hafði á orði um daginn að hún hlakkar til að hafa stelpurnar á aðfangadagskvöld, svo langt síðan það voru síðast börn hjá pabba og mömmu:):) Þær verða svo með Davíð yfir áramótin og fara norður.

Í gær var ég á jólagleði í vinnunni og það var alveg massa gaman. Siðasta vika var vinavika í vinnunni og þá átti ég leynivin og var leynivinur og ég gladdi vin minn á hverjum degi og ég var glödd líka. Þetta var alveg svakalega sniðugt og svona samþjappandi að hafa svona vinaviku. Vinavikan endaði svo í gær á jólagleðinni. Ég fékk alveg æðislega skál og litla skeið sem leynivinur minn leiraði. Hún heitir sko Gréta og er listakona út í gegn.

Í morgun fór ég svo á jólaföndur í leikskólanum hjá stelpunum og það var svo gaman. Alveg tilheyrandi að fara þarna og föndra og fá jólafílinginn alveg í æð. Starfsfólkið þarna er líka svo æðislegt. En núna er ég semsagt á Selfossi eins og vanalega þegar ég blogga. Hehe, enda ekki með netið heima hjá mér. Verð að fara að fá mér netið heim. Það verður geggjó gaman. Ég kann bara svo rosalega lítið á tölvur. En ég bið ykkur Guðs blessunar, þið þrjú sem kíkið ennþá hingað inn. Munið að Guð elskar ykkur ALVEG eins og þið eruð og hann hefur áætlun með líf ykkar. Hrúga af ást og hamingju til ykkar allra, Arnan

Hver á skuggana????

Og getiði nú..... Hehehehe.

Ég var á alveg ofsalega skemmtilegum tónleikum áðan. Gospelkór Reykjavíkur og kór frá Noregi sem heitir Brigaden voru að "performa" Mjög gaman, mér fannst reyndar einn galli og það var hvað var lítið boðið upp á að standa og dilla sér með lögunum. Það var mjög oft sem mig langaði til að standa upp en gerði það auðvitað ekki. Bara þegar hinir stóðu líka:) Hehehe. Við kíktum í Jötuna eftir tónleikana og bara gaman. Svo var ég að labba aftur upp í sal og datt svona snilldarlega í tröppunum, beyglaði skóna mína sem VORU támjóir og beyglaði líka stóru tána mína. Ekki þægilegt. En ég náði að skemmta Hrund, Eygló, mömmu og Bjössa með þessum tilþrifum mínum. Alltaf gott að geta glatt fólk.

Núna er ég bara á Selfossi og klukkan er orðin frekar margt. Ég er reyndar furðulítið syfjuð sem skýrist kannski af því að ég svaf til hálf3 í dag. Vaknaði samt fyrst hálf10 en sofnaði svo aftur ásamt Hrund sem var hjá mér. Og vá hvað þetta var notalegt. Á morgun er ég svo að fara í barnablessun hjá Emiliu sætu frænku minni en það á að blessa yfir dóttur hennar. Og það verður gert í Kotinu, gaman, gaman. Mig er lengi búið að langa til að kíkja á samkomu í Kotinu svo það verður á morgun. Alltaf gaman að koma í Kotið, ég fæ alltaf svona nostalgíu"kast" þegar ég kem þangað. Maður var jú þarna mikið þegar ég var yngri, þegar afi of amma áttu heima þarna. En ég er hætt í bili, gangið með Guði, það er best. Arnan

JÆÆÆÆÆJA..............

...Það er eiginlega lööngu kominn tími á smá blogg hjá mér. Ég er bara orðin svo agalega löt við að skrifa hugsanir og minningar niður en núna nenni ég svo hér kemur eitthvað;) Lífið undanfarið hefur bara gengið vel, ég elska nýju vinnuna mína og finnst gaman að vinna og hitta fólk og lifa. Ég er nýbúin að sitja námskeið og læra um atferlisþjálfun en það er sú þjálfun sem hún Danía Rut er byrjuð að fá. Þessi atferlisþjálfun hefur verið í þróun og noktun síðustu 4 áratugi og árangur er ótrúlegur. Á þessu námskeiði fengum við að heyra reynslusögur foreldra einhverfa barna sem fengu þessa þjálfun og vá hvað ég fylltist mikilli von að heyra sögurnar. Það var svoo mikill árangur að það var alveg frábært. En þetta er líka alveg svakalega mikil vinna. Ef barn á að ná jafnöldrum sínum í þroska, þá þarf það að fá atferlisþjálfun í 40 klst á viku í 2 ár. Og það er mjög mikil vinna en vá hvað það mun borga sig ef það þýðir að dúllan mín mun ná jáfnöldrum sínum. Framundan hjá mér er að fara á fleiri námskeið og læra meira hvernig ég get þjálfað hana og hjálpað henni að ná markmiðum sínum:)

Ég er að lesa snilldarbók sem heitir "Furðulegt háttalag hunds um nótt" þetta er alveg frábær bók. Höfundurinn er 15 ára einhverfur drengur og það er alveg svakalega gaman að lesa þessa bók og sjá hans sýn á heiminn. Mæli með að allir lesi þessa bók. Mig langar að vitna aðeins í hann, þar sem hann er að lýsa tillfinningum. Hann segir, "Tilfinningar eru ekki annað en mynd á skjánum í höfðinu á manni af því sem gerist á morgun eða á næsta ári eða af því sem hefði getað gerst í stað þess sem gerðist, og ef þetta er góð mynd, þá brosir fólk en ef hún er dapurleg grætur það." Sérstök sýn á tilfinningar en kannski svolítið rétt... Hvað finnst þér?

Jæja, ég ætla ekki bara að tala um einhverfu. Þetta bara er mér ofarlega í huga þessa dagana. En síðustu helgi hélt ég upp á afmælið hennar Þóreyjar Erlu og hélt það einmitt hérna hjá pabba og mömmu. Þau eru svo æðisleg að leyfa mér að halda upp á afmæli stelpnanna hérna þar til ég flyt í stærra. Það var frekar fámennt í afmælinu en svakalega notalegt og skemmtilegt. Við mæðgurnar gistum svo hérna í húsinu við ána. Sara Ísold var lengi búin að spyrja öðru hvoru, "mamma, hvenær ætlum við næst að sofa heima hjá afa og ömmu?" Svo það var sofið á Selfossi.

Ég er að hugsa um að hafa þetta ekkert lengra, ég er allt í einu svo tóm. Hafið það bara ofsa gott og gangið á Guðs vegi, það er best, love you ALL:) Arnan

Ný vinna::::)))))

Hæ hó allir saman. Guð er góður. Ég var að byrja í nýrri vinnu og er að fíla hana mjög vel. Ég er að vinna á leikskóla sem heitir Seljakot og það er frábært. Rosalega sætir krakkar og skemmtilegar og fínar konur sem ég vinn með. Ég er að vinna á deildinni með elstu börnin og það er svo gaman. Börn eru svo einlæg og falleg. Mér líður voðalega vel þarna. Annars gengur lífið bara alveg rosalega vel og mér líður vel. Stelpurnar koma til mín á morgun og þá verður fjör hjá mér:) Ég fór á svooo skemmtilega tónleika í gær með gospelkór Fíló og það var svo mikið fjör og skemmtilegheit og margir góðir að syngja. Edgar söng og Maríanna frænka, Hrönn og Hörður og fleira hæfileikafólk. Mjög skemmtilegt bara. Samkoman áðan var svo líka alveg svakalega góð og skemmtileg. Ég er orðin hálfsamkomusjúk. Ég eyddi svo mörgum árum í að mæta á samkomur og taka ekki þátt að núna er ég bæta upp fyrir glataðar samkomur. Ef þið skiljið. Vá ritræpa. Á föstudagskvöldið fór ég á unglingasamkomu og það var svooo gaman. Unglingasönghópurinn er svo góður og skemmtilegur og allir svo hressir og sætir að það er ekki hægt að taka ekki þátt. Unnar Gísli predikaði og mikið er maðurinn skemmtilegur og fyndinn. En það var gaman að heyra hvað hann hafði að segja og syngja.

Núna er ég hjá pabba og mömmu, ég ætlaði á Ung samkomu í Samhjálp en var dobbluð hingað austur og hér er notalegt samfélag. Kiddi frændi er líka hérna. Hann var að skila mótorhjólinu hans pabba en hann "passaði" það á meðan pabbi og mamma voru á Mallorka:) Jæja, ætla að hætta núna. Ég er nefnilega orðin þekkt fyrir það að fara ALLTAF í tölvuna þegar ég kem til p&m eða til Eyglóar því ég er ekki með netið heima hjá mér. En ég vona að vikan ykkar verði góð og gangið á Guðs vegi, það er langbest. Love U all og ég meina það!!!! Arnan og allir englarnir:)

Gangur lífsins....

... Ég er svo mikið búin að hugsa um gang lífsins undanfarið. Við fæðumst, göngum í skóla, verðum ástfagnin, eignumst börn og hugsum um þau eða flestir gera það og á endanum deyjum við. Ég hef líka hugsað mikið um dauðann undanfarið en ekki af því mig langar að deyja, þvert á móti finnst mér lífið alveg frábært. En stundum þegar ég hugsa um þetta allt þá kemur yfir mig svona yfirþyrmandi tilfinning um að við erum öll dauðleg, það sleppur enginn. Sem betur fer þá ætla ég að fara til himna og lifi að eilífu svo ég hef ekki áhyggjur. En það er eitt sem ég hef voða mikið spáð í undanfarið, og það er hvort ég muni hitta Magga afa minn og Stínu langömmu og fólkið sem ég þekki sem er farið á undan. Mikið langar mig að vita það. Það hafa eflaust margir velt þessu fyrir sér en þetta kemur auðvitað bara í ljós. Æ ég er bara mikið búin að vera að pæla í lífinu og dauðanum undanfarið. Og mikið spáð í Guði, hvað hann er rooosalega stór. Hann veit allt um mig og þekkir mig betur en ég sjálf. Samt er ég bara ein manneskja og ekkert merkileg. Þannig sko.

Eins með ástina, ég hef mikið spáð í ástina líka. Sumir finna ástina á unglingsaldri og halda henni við og eru ástfangnir alla ævi. Ég horfi svo oft á pabba og mömmu og mér finnst þau æði. Þau eru svo ástfangin ennþá og búin að vera saman síðan þau voru 16 ára og alltaf eru þau að dekra hvort annað eins og þau geta og mér finnst það æðislegt. Ég veit að þetta er alveg yfirmáta væmið blogg en mér er alveg sama. Þetta er mín síða:)

En allavega, ég er núna á Selfossi með henni Hrund minni, pabbi og mamma eru á Mallorka að sleikja sólina og við Hrund komum hingað í gær og gistum því Hrund vantaði föt. Hún gistir sko hjá mér á meðan pabbi og mamma eru úti. Heppin ég:) Við ætlum á eftir að fara í skipið Logos og kaupa fleiri bækur og eitthvað skemmtilegt. Það er eiginlega skyldumæting að fara þangað og versla aðeins. En bara ef þú átt pening. Ekki fara annars því þá mun þig langa í svo margt! Ég ætla svo á samkomu í Fíló og ég ætla að reyna að draga systur mínar með og þeirra fólk. Ég vona að þið sem lesið hafið það gott og blessunum Guðs mætti hellidemburigna yfir ykkur. Guð er svo góður. Sjáumst svo kannski á samkomu:) Arnan

Kotmót..

...var alveg frábært í alla staði. Ég mætti á svæðið á föstudagsmorgni ásamt mínum dásamlegu dætrum og við fórum beint á barnamótið. Þar var alveg rosalega gaman. Trúðar sem skemmtu börnunum og hún Danía Rut mín skemmti sér mjög vel að hlæja að þeim:) Við Davíð vorum búin að ákveða að skiptast á að hafa stelpurnar á mótinu svo við gætum bæði farið á samkomur. Það hentaði mjög vel, enda er ekki auðvelt að njóta samkomu með þrjár litlar skvísur. Á föstudagskvöldið var eiginlega samkomumaraþon hjá mér og Hrund systur, við fórum á samkomu klukkan 19.00, 22.00 og 00.00 og það var svooo gaman. Lofgjörðin var æðisleg og ég naut hverrar mínútu. Guð var að snerta við fólki hægri vinstri og það var mjög gaman að sjá og ekki var ég útundan:)

Á laugardeginum var barnasamkoma í stóra salnum og það var svooo skemmtilegt. Unglingarnir úr Fíladelfíu voru með sönginn og þau stóðu sig mjög vel, hæfileikafólk þar á ferð. Um miðjan daginn var svo karnival fyrir börnin og það var mjög vel heppnað, börnin gátu farið á hestbak og Danía Rut prófaði það. Einnig var hoppukastali og margt fleira skemmtilegt. Um kvöldið var svo fjölskyldugrill hjá Gerðu frænku og það var mjög gaman. Fórum í leiki og borðuðum saman og höfðum það bara gaman saman. Hafrún hafði skipulagt leiki og lét til dæmis pabba og systkini hans fara í leik og syngja fyrir okkur hin. Það var mjög fyndið og skemmtilegt. Frábær dagur.

Á sunnudagsmorgun var brauðsbrotning og í lofgjörðinni voru bara menn á öllum aldri og það var mjög flott. Sungnir sálmar og þetta var svona nett hátíðlegt en bara gaman að því. Sungið gömul lög og svona, smá nostalgía þar. Seinna var svo samkoma klukkan hálh5 og þar talaði maður að nafni David Campell og hann var í einu orði sagt "snillingur" ég hló svo mikið að stundum verkjaði mig í magann. Þegar hann lýsti því þegar hann hann hitti einkaþjálfarann í ræktinni og hann kynnt hann fyrir fullt af "pyntingartækjum".... Ég hló svo mikið að ég átti eiginlega hálf erfitt með mig því ég var enn að hlæja þegar allir hinir voru að klára sitt hláturkast. Þetta var mjög gaman og góð samkoma. Mamma og pabbi sátu hjá mér og ekki skemmtu þau sér minna en ég. Síðar um kvöldið var varðeldur og þar var góð stemmning og fólk sat og söng með og þetta var ofsalega skemmtilegt. Klukkan miðnætti ca voru svo tónleikar í umsjá kirkju unga fólksins. Ég heyrði að Tómas Ibsen og Guðrún Marta hefðu skipulagt þetta og þau eiga þá skilið hrós því þetta var virkilega skemmtilegt. Margir komu fram og sungu eða voru með atriði. Mér fannst voða gaman að sjá Unnar Gísla og Siggu syngja saman, þau voru eitthvað svo krúttaraleg saman. Frábær dagur alveg hreint út í gegn.

Ég fór á vitnisburðarsamkomuna á mánudagsmorgninum og það var gaman, stelpurnar voru að vísu að skottast frammi svo ég rak bara inn nefið þegar ég gat. En heyrði þónokkra vitnisburði. Guð var virkilega að starfa á þessu móti. Mér finnst einhvern veginn allir hafa verið svo blessaðir og ánægðir með mótið sem er auðvitað bara frábært. Við mæðgur komum svo við hérna hjá pabba og mömmu á Selfossi og erum hér enn. Gistum eina nótt og ætlum heim á eftir. Danía Rut er enn sofandi og hinar horfa á Nemó. Kiddi og Ásta og strákarnir komu hingað í heimsókn í gær og Kiddi spurði Daníu Rut hvort hann mætti eiga einn putta hjá henni. Svona svo hann ætti smá hluta af henni. Ekki stóð á svari hjá skvísunni minni "hann er fastur" og henni fannst þetta eiginlega hálfkjánaleg spurning. En ég er í fríi þessa viku með pæjurnar mínar og það verður sko notalegt. Ætlum að hafa það kósí saman. En hafið það bara gott þið sem lesið bloggið mig, megið alveg kommenta, ekki skipun samt... Hehe, Guð blessi ykkur öll:) Arna

I like you!!!!!!!!!!

http://www.raus.is/i-like-you.php

BARA SÆTT:)

Nú styttist í...

....að ég fái yndigullin mín aftur. Þær eru búnar að vera með Davíð í sveitinni hjá Doris og Mumma í tæpar 3 vikur og ég sakna þeirra alveg skelfilega mikið. Danía Rut búin að halda upp á afmælið sitt í sveitinni og það er voða fjör hjá þeim. Ég heyrði í Söru Ísold í gær og hún hafði miklar áhyggjur af beljubangsanum sínum og vildi vera fullviss um að ég væri að passa hann. Henni datt í hug að koma í heimsókn og sækja hann en það var auðvitað ekki í boði. Þórey Erla er búin að bæta við sig alveg fullt af orðum og mikið verður gaman að fara að spjalla við hana:) Hún er orðin svolítil ömmustelpa og ef pabbi hennar ætlar að skipta á henni þá hleypur hún undan og segir "nei, amma". Doris örugglega til mikillar gleði. Danía Rut er búin að fara í fjósið, hefur hingað til látið Söru Ísold um þá iðju enda er hún DR mjög pjöttuð og algjör dama sko. Sagði mér samt að hún hefði séð kýr og kálfa í fjósinu og svo kom rigning og vindur. Algjör dúlla. Sara Ísold veit sko alveg hver býr í fjósinu, "Kýrurnar búa þar" sagði hún mér í gær. Æ mikið sakna ég þeirra. En ég er samt ekki búin að liggja í söknuði og tárum meðan þær hafa verið í burtu. Ég er búin að nýta frítímann í sólbað, prjónaskap (sem mamma tók reyndar við, til að klára fyrir Kotmót:)) og samkomusókn og fleira mjög skemmtilegt. Ég er núna hjá Eygló og Bjössa og ætla að fara að drífa mig heim. Er búin að "hanga" of lengi á netinu. Það er svona að vera ekki með tölvu heima hjá sér. En Eygló og Bjössi eru í ferðalagi. Gott hjá þeim:) Njótið lífins, það er gjöf frá Guði:) Arnan

Danía Rut 5 ára:)

5 ár eru síðan ég fékk frumburðinn í fangið. Mikið var það notalegt, skrýtið, eðlilegt og frábært bara. Hún hefur alla tíð verið alveg yndisleg stelpa og mikill gleðigjafi. Hún er mikið fyrir að knúsa og gerir mikið af því og stundum of mikið ef þú spyrð systur hennar. Hún er núna stödd hjá afa sínum og ömmu í sveitinni ásamt pabba sínum og systrum. Ég vil því senda henni mínar ástar og hamingjukveðjur með 5 ára afmælið. Mamma elskar þig stóra gullið mitt:):) Knús og kossar og mikið sakn..... Mamma:)